Ipinanganak si Laure Shang noong 1982 sa old Shanghai alley. Naging kilala si Laure dahil sa isang Talent Show sa Hunan TV na pinamagatang "Super Girl." Noong 2006, nakuha ni Laure ang unang puwesto sa "Super Girl" dahil sa kanyang magandang boses, at mainit at masiglang palabas.
Marami ang kanta ni Laure sa wikang Ingles at Pranses, dahil nag-major siya sa wikang Pranses sa Fudan University. Mahusay ang kanyang Pranses, at dati siyang naging tagapagsalin ng mga naisapublikong libro. Bukod dito, nakuha rin niya ang First Prize Scholarship ng nasabing paaralan at National Scholarship ng bansa.
Pagdating sa pag-aaral, lagi siyang top student. Nag-aral siya sa mga mabuting middle school at kolehiyo. Noong middle school, siya ay ang class president at may pinakamataas na marka. Ngunit, noong 2nd year high school siya, grabeng bumaba ang kanyang marka, dahil nahumaling siya sa pag-arte, pagsali sa mga singing contest, palabas, drama, at pagda-drum. Pag-akyat niya ng 3rd year high school, dahil sa presyur ng entrance exam sa kolehiyo, isang taon siyang tumira siya sa boarding school para mapabuti ang kanyang mga marka.
Sa talent show sa Hunan TV na pinamagatang "I am a singer," lumahok din dito si Laure. Kahit hindi siya pumasok sa finals, sa bawat episode, ipinakita niya ang bagong outlook at estilo, at nag-iwan siya ng malalim na impresyon sa mga manonood.
Ngayon, bukod sa pag-awit, si Laure ay mayroon ding sariling studio. Itinuturing siya ng maraming tao na "Godness." Pero, hindi niya gusto ang tawag na ito. Mas gusto niya ang tawag na "Female Boss."
