|
||||||||
|
||
150602melo.m4a
|
Pangulong Aquino, umaasang tagumpay ang paglalakbay
PANGULONG AQUINO, NAGLAKBAY PATUNGONG JAPAN. Inihatid ni AFP Chief of Staff General Gregorio Pio Catapang, Jr. si Pangulong Benigno Simeon C. Aquino III patungo sa eroplanong magdadala sa kanya sa Japan. Magtatagal siya roon ng hanggang Biyernes. (MALACANANG PHOTO)
SA paanyaya ng Pamahalaan ng Hapon, lumisan si Pangulong Benigno Simeon C. Aquino III patungong Tokyo kaninang umaga.
Sa kanyang talumpati sa Ninoy Aquino International Airport Terminal II, sinabi niyang makakaharap niya si Emperador Akihito at Empress Michiko upang magpasalamat sa tulong sa Pilipinas.
Makakausap din niya si Prime Minister Shinzo Abe upang higit na tumibay ang relasyong namamagitan sa dalawang bansa. Dadalo rin siya sa joint session ng parliamento ng bansa. Umaasa siyang magdudulot ito ng ibayong kaunlaran sa bansa at mga mamamayan.
Makakaharap din niya ang mga kinatawan ng Nippon Keidanren, Japan Chamber of Commerce and Industry, Keizai Doyukai, at Boekikai at mga samahan ng mga kumpanya at negosyo.
Samantalang nasa Japan, dadalo rin siya sa Nikkei 21st International Conference on the Future of Asia. Ibabahagi umano niya ang repormang ipinatupad ng pamahalaan at makakaharap din ang mga Filipino sa Japan.
Mayroon din siyang pagkakataong makausap ang siyam na kadeteng Filipino sa National Defense Academy of Japan at ng Philippine Military Academy at ilang nurses at caregivers na nakarating doon sa pamamagitan ng Philippine – Japan Economic Partnership Agreement.
Nakatakdang bumalik si Pangulong Aquino sa Biyernes, ika-lima ng Hunyo.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |