|
||||||||
|
||
Banking system sa Pilipinas, matatag
TINIYAK ni Bangko Sentral ng Pilipinas Governor Amando Tetangco, Jr. na handa ang Pilipinas sa anumang pagbabago sa pamamagitan ng pagkatha ng makabubuting palatuntunan sa gitna ng malalaking hamon.
Ito ang kanyang sinabi sa ika-anim na general membership meeting ng Finance Executives Association kahapon sa Hotel Intercontinental – Makati.
Ilan umanong mga bangko sentral sa rehiyon ang nagkaroon ng kanilang pagbabago sa policy settings sa nakalipas na ilang buwan. Hindi umano sumunod ang Pilipinas sapagkat iba ang kalagayan ng mga kalapit-bansa sa Pilipinas.
Maayos umano ang inflation sa bansa. Samantalang may pagbagal sa ekonomiya at mabuway na halaga ng hindi magkakatugmang monetary policies sa mga mayayamang bansa, nananatiling matatag ang domestic demand. Mayroong solidong private demand ayon na rin sa pagsusuri ng mga mangangalakal. Kahit pa mas mababa ang First Quarter GDP growth sa inaasahan, makakabawi ang ekonomiya sa pagkakaroon ng sapat na salapi at mas mataas na paggasta ng pamahalaan.
Nakikita pa niya ang inflation setting 3+1 percent mula ngayon hanggang sa susunod na taon.
© China Radio International.CRI. All Rights Reserved. 16A Shijingshan Road, Beijing, China. 100040 |