Kung tatanungin n'yo kung sino ang kasalukuyang pinakapopular na idol sa Tsina, ang sagot ay nasa dalawang kalalabas na Guinness World Record. Noong ika-21 ng Setyembre ng taong 2014, sa bisperas ng kanyang ika-15 kaarawan, isang mensahe sa kanyang social media page ang ipinalabas ni Karry Wang, lider ng boy group na TFBoys. Pagkaraan ng halos isang taon, noong ika-19 ng Hunyo 2015, umabot sa mahigit 42 milyon ang bilang ng mga repost ng mensaheng ito. Ito ang mensaheng may pinakamaraming repost.
Tanong, ano ang nilalaman ng mensahe? Aniya, "ngayon ay araw ng aking ika-15 taong kaarawan. Salamat sa inyong laging pagsuporta sa akin. Kakantahin ko ang awit na Ako ay 15 Taong Gulang Na, hindi lamang para sa aking kaarawan, kundi para sa inyong lahat."
Ang TFBoys ay isang boy group na binubuo ng tatlong batang lalaki. Ang kanilang mga edad ay mula 14 hanggang 16. Ngayon, si Karry ay 16 taong gulang na, at siya ang pinakamatanda sa grupo. Hindi pa umabot sa 15 ang iba pang dalawang miyembro——sina Roy at Jackson. Talagang bata pa sila, pero, sa kasalukuyan, sila ang pinakapopular na idol sa Tsina. Ang kanilang mga tagasunod ay hindi lamang mga bata, kundi mga grown up din. Ipinalabas nila noong Hunyo ang kanilang pinkabagong awit, "Beloved" at ito ay mabilis na naging popular.
Bakit ang kanilang grupo ay tinawag na "TFboys?" Ito ay mula sa buong pangalan ng grupo na "THE FINGTING BOYS." Sila ay pinili mula sa mga trainee ng TF family. May iba pang mga miyembro ang TF Family. Pero, sila ay napakabata pa. Ayon sa regulasyon ng kompanya, ang mga batang hindi pa umabot sa 12 ay maaaring maging trainee lamang. Maraming bata ang gustong pumasok sa entertainment circle at maging isang star, ang tatlong miyembro ng TF Boys ang kauna-unahang batch ng mga batang lalaki ng TF Family na pumasok sa entertainment market.
Ang sistema ng trainee ay nilikha ng Hapon. Sa kasalukuyan, halos lahat ng mga agency ng Timog Korea ay sumusunod sa mekanismong ito. Ang sistema ng trainee ay batayan ng kasaganaan ng entertainment industry ng Timog Korea. Ang kompanya ng TF Boys na "Shi Dai Feng Jun" ang kauna-unahang matagumpay na agency na nagpatupad ng sisitema ng trainee sa Tsina.
Para sa mga bata, ang pagiging star ay lucky, pero ito rin ay isang hamon para sa buong buhay.
