|
||||||||
|
||
150903melo.mp3
|
Walang politiko sa gabinete ni VP Binay
NANGAKO si Vice President Jejomar C. Binay na walang sinumang politiko na mahihirang sa kanyang gabinete kung papalarin siyang magwagi sa halalan.
Ito ang kanyang sinabi sa kanyang talumpati sa Wallace Business Forum sa Makati City kanina. Tiniyak ng pangalawang pangulo na ang lahat ng miyembro ng gabinete ay pinakamagagaling sa kanilang pinagkadalubhasaan, maging sa private practice o sa kanilang public management na nagtataglay ng katapatan, kakayahan at pagdedesisyon.
Iba umano ang kanyang istilo ng pagpapatakbo ng pamahalaan. Hindi lamang umano siya nagbabalak o nangangako sapagkat tinitiyak niyang magaganap ang kanyang ipinangako.
Ayon sa pangalawang pangulo, madalas niyang kakausapin at kukunsultahin ang business sector at aalaman ang kanilang posisyon. Hahayaan niyang magsalita ang business sector kahit pa matuligsa siya sapagkat magkakasundo rin naman sila.
Magiging regular na rin ang pulong ng Legislative Executive Development Advisory Council at ang Judicial Executive Legislative Advisory Council upang malutas ang mga nalalabing suliranin.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |