Senador, humiling na buwagin ang paramilitary groups sa Mindanao
HINILING ni Senador Aquilino Pimentel III sa pamahalaan na buwagin na ang paramilitary groups na kumikilos sa Mindanao lalo pa't nagtuturuan ang pulis at militar kung sino sa kanila ang maghahabol sa mga pumatay sa mga pinuno ng mga Lumad kamakailan.
Kinondena ni Senador Pimentel ang mga pagpaslang sa mga Lumad na naging dahilan ng paglikas ng libu-libong mga katutubo patungo sa mga kabayanan at lungsod sa Mindanao sa pangambang mapagitna sa labanan ng mga armado. Si Pimentel ang chairman ng Senate Committee on Justice and Human Rights.
Kabilang sa mga napaslang si Emerito Samarca, executive director ng Alternative Learning Center for Agriculture and Livelihood Development. Pinaniniwalaang paramilitary groups ang nasa likod ng mga pagpatay kay Samarca at sa dalawang iba pa.
Mula na mismo sa 4th Infantry Division ang ulat na may walong armadong grupo sa mga lalawijab bg Agusan del Sur at Surigao del Sur na akusado ng human rights groups sa paglabag sa mga karapatang pangtao ng mga katutubo kaya't kailangang mabuwag ang mga ito sa pinakamadaling panahon.
1 2 3 4 5 6