|
||||||||
|
||
160202melo.mp3
|
Pemberton, hindi makukulong sa karaniwang piitan
PINAWALANG-SAYSAY ng Korte Suprema ang petisyon ng mga kamag-anak ng napaslang na si Jeffrey "Jennifer" S. Laude na mailipat si Lance Corporal Joseph Scott Pemberton sa regular na piitan.
Ayon sa tagapagsalita ng Korte Suprema na si Atty. Theodore Te, tinanggihan ng Korte Suprema ang "motion for reconsideration" ng mga nagpetisyon mula sa desisyon ng hukuman noong ika-24 ng Nobyembre na nagpapawalang-saysay sa petisyon.
Sa naunang desisyon noong Nobyembre, kinatigan ng Korte Suprema ang desisyon ni Olongapo Regional Trial Court Branch 74 Judge Roline M. Jines-Jabalde na tumanggi sa petisyong mapiit si Pemberton sa Olongapo City Jail.
Wala umanong pag-abusong ginawa ang hukom ng tanggihan ang kahilingan dahil sa technicality. Hindi rin makatarungan ang paggiit sa Armed Forces of the Philippines na isuko si Pemberton ng walang pagkatig ng taga-usig. Nahatulan si Pemberton ng homicide noong Disyembre sa pagkamatay ni Laude at nahatulang mabilanggo ng hanggang 12 taon.
Nag-utos si Judge Jinez-Jabalde na mapiit si Pemberton sa custodial center sa Campo Aguinaldo.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |