|
||||||||
|
||
Iginagalang ng Tsina ang karapatan ng Pilipinas sa Benham Rise
KINIKILALA ng Tsina ang karapatan ng Pilipinas sa Benham Rise at hindi aangkinin ng Beijing ang bahaging ito ng Pilipinas sa silangang Luzon.
Sinabi ni Acting Foreign Secretary Enrique Manalo sa isang panayam sa telebisyon, na samantalang hinihintay nila ang opisyal na tugon ng Tsina sa balitang may nakikitang mga barkong Tsino sa Benham Rise, nagpasabi ang Tsinan a kinikilala nila ang karapatan ng Pilipinas sa pook.
Ang Benham Rise ay saklaw ng extended continental shelf ng bansa kaya't nangangahulugan lamang na may karapatan ang Pilipinas na gamitin ang likas na yamang matatagpuan sa pook.
Bukas ng hapon, haharap sa mga mamamahayag si Acting Foreign Secretary Manalo sa kauna-unahang pagkakataon.
© China Radio International.CRI. All Rights Reserved. 16A Shijingshan Road, Beijing, China. 100040 |