Armed Forces of the Philippines, kinondena rin ang Abu Sayyaf
LUBHANG ikinalungkot ng Armed Forces of the Philippines ang ginawang pamumugot kay Noel Besconde sa Barangay Tugas, Patikul, Sulu. Isa si G. Besconde sa apat na tauhan ng bangkang pangisdang Ramona na dinukot sa Celebes Sea noong Disyembre ng nakalipas na taon.
Ayon kay Brig. General Cirilito Sobejana, commander ng Joint Task Force Sulu, pinaniniwalaang pinatay si G. Besconde sapagkat maysakit na siya at nakasasagabal sa kanilang pagkilos sa pag-iwas sa mga tumutugis na kawal.
Sa panig ni AFP Chief of Staff General Eduardo Ano, bukod sa pagkondena, tuloy pa ang masigasig na operasyon laban sa mga terorista sa layuning mailigtas ang nalalabing mga biktima ng kidnapping.
1 2 3 4 5