|
||||||||
|
||
Honorary degree, tinanggihan ng pangulo
SINABI ni Pangulong Duterte na hindi na niya tatanggapin ang parangal ng University of the Philippines board of regents na honorary law degree.
Iginagalang niya ang Board of Regents ng University of the Philippines subalit hindi siya tumanggap ng anumang parangal kahit noong punong-lungsod pa lamang siya. Wala umano sa kanyang pagkatao ang pagtanggap ng parangal. Hindi naman binabale-wala ang parangal subalit tinatanggihan lamang niyang tumanggap ng parangal.
Sinabi ng Board of Regents na gagawaran nila ng parangal si Pangulong Duterte ayon sa tradisyon.
May mga nagtapos sa UP College of Law na nagsabing hindi karapat-dapat sa parangal ang pangulo sapagkat galit sa mga 'di sang-ayon sa kanyang pamamalakad at nagsusulong ng pagpatay ng walang kaukulang proseso at paggalang sa batas.
Kahit ang bagong hirang ng Student Regent ay kabilang sa tumuligsa sa layuning paggagawad ng honorary doctorate degree sa pangulo ng bansa.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |