Isnilon Hapilon, nasa Marawi City pa
SINABI ni Defense Secretary Delfin Lorenzana na nasa Marawi City pa si Isnilon Hapilon.
Sa press briefing sa Malacanang kanina, sinabi ni G. Lorenzana na sa pinakahuling ulat na natanggap nila kaninang umaga, nasa isang mosque sa Marawi City si Hapilon, ang pinuno ng Abu Sayyaf na nabalitang lider ng ISIS sa Timog Silangang Asia.
Posibleng totoo ang kanilang impormasyon sapagkat 'di pa nakikita sa Basilan si Hapilon. Ang Basilan ang sinasabing pinagpupugaran ng mga Abu Sayyaf.
May tatlong mandirigmang dumating sa Basilan subalit wala sa grupo si Hapilon, dagdag pa ni G. Lorenzana.
1 2 3
