Kompanyang Tsino, nagbigay-tulong sa mga taong apektado ng sunog sa Batangas

Batangas City, lalawigang Batangas--Iniabot kamakalawa, Miyerkules, ika-10 ng Abril 2019, ng kinatawan ng China Harbour Engineering Company Ltd. kay Hermilando Mandanas, Gobernador ng Batangas, ang mga iniabuloy na materyal, na kinabibilangan ng 2.65 toneladang bigas, ibang mga pagkain, tubig-inumin, tolda, at iba pa, bilang tulong sa mga lokal na residenteng apektado ng sunog.

Noong nagdaang Sabado ng gabi, naganap ang sunog sa Barangay Santa Clara ng Batangas City. Natupok sa sunog ang mga tahanan ng 150 pamilya, at apektado ang mahigit 950 katao.

Ginagawa ngayon ng China Harbour Engineering Company Ltd. ang proyekto ng renobasyon ng puwerto sa lalawigang Batangas. Sa 130 taga-Batangas na kawani ng kompanyang ito, ang mga tahanan ng 26 na katao ang nasunog.

Ulat at larawan: Ernest
Salin: Liu Kai