Singapore — Isang pandaigdigang simposyum na pinamagatang "Relasyong Sino-Amerikano: Paglikha ng Komong Prospek Para sa Pag-unlad ng Asya at Daigdig" ang binuksan nitong Miyerkules, Oktubre 30, 2019. Dumalo rito ang halos isang daang kinatawan mula sa Tsina, Amerika, mga bansa ng Association of Southeast Asian Nations (ASEAN), mga bansa ng Unyong Europeo (EU), at iba pang bansa para talakayin ang tungkol sa impluwensiyang dala ng relasyong Sino-Amerikano sa buong daigdig. Ipinalalagay ng mga kalahok na ang koordinado, koopratibo, at matatag na relasyong Sino-Amerikano ay nagbibigay ng malaking pakinabang sa daigdig.
Sa kanyang talumpati, tinukoy ni Goh Chok Tong, Emeritus Senior Minister ng Singapore, na nakikinabang ang daigdig sa mapayapang pakikipamuhayan ng Tsina at Amerika, at idudulot ng maigting na relasyong Sino-Amerikano ang kalamidad sa daigdig.
Salin: Lito