"Ang inyong pagmamahal aking kasama,
Ang inyong kamay ay hindi ko bibitawan,
Maaliwalas na kinabukasan ating masisilayan."
Ito ay bahagi ng lyrics ng isang kanta tungkol sa pagdadamayan ng Tsina at Pilipinas sa gitna ng epidemiya ng COVID-19, na itinanghal kamakailan ng iba't ibang panig ng magkapitbansa.
Ipinamalas sa awitin ang pagkakapit-bisig ng Tsina't Pilipinas laban sa pandemiya: "Dahil sa iyong pagmamahal, na umaagos na parang alon; hawak-kamay, tayo'y patungo sa maliwanag na kinabukasan."
Ang awitin, sa wikang Filipino at Tsino, ay handog sa lahat ng frontliners sa Pilipinas at Tsina, lalo na mga tauhang medikal ng Pilipinas at mga kauuwi na Anti-epidemic Medical Expert Team ng Tsina para sa Pilipinas.
Mapapakinggan sa awitin ang magkasamang pagsubok at pagpupursige ng Tsina't Pilipinas para malapsan ang pandemiya: "Sa lamig ng kahapon, tayo ay hinahamon. Binalot ng dilim, umaasa liwanag darating. Pagdating ng liwanag, na ating minimithi, Ito'y magbibigay ng pag-asa sa bawat bansa..."
Ang Iisang Dagat ay sinulat ni Ambassador Huang Xilian ng Tsina sa Pilipinas, at magkakasamang kinanta nina Imelda Papin, kilalang singer at Camarines Sur Vice Governor; Xia Wenxin, isang Chinese diplomat ng pasuguang Tsino; Yu Bin, kilalang Chinese artist at Jhonvid Bangayan, Tsinoy singer.
Narito po ang lyrics ng Iisang Dagat:
Sa lamig ng kahapon, tayo ay hinahamon,
Binalot ng dilim, umaasa liwanag darating,
Pagdating ng liwanag, na ating minimithi,
Ito'y magbibigay ng pag-asa sa bawat bansa,
Dahil sa iyong pagmamahal, na umaagos na parang alon,
Hawak kamay, tayo'y patungo sa maliwanag na kinabukasan,
Ikaw at ako'y nasa iisang dagat,
Ang inyong pagmamahal aking kasama,
Ang inyong kamay ay hindi ko bibitawan,
Maaliwalas na kinabukasan ating masisilayan.
Sa lamig ng kahapon, tayo ay hinahamon,
Binalot ng dilim umaasa liwanag darating,
Muling sisikat ang araw ang init madarama,
Ito'y magbibigay ng pag-asa sa bawat bansa,
Dahil sa iyong pagmamahal, na umaagos na parang alon,
Hawak kamay, tayo'y patungo sa maliwanag na kinabukasan,
Ikaw at ako'y nasa iisang dagat,
Ang inyong pagmamahal aking kasama,
Ang inyong kamay ay hindi ko bibitawan,
Maaliwalas na kinabukasan ating masisilayan.
Ulat: Sissi
Pulido: Mac Ramos at Jade
Web edit: Liu Kai