Sa pangangatuwiran ng pagiging bahagi sa pagtatayo ng artipisyal na isla sa South China Sea (SCS), ipinatalastas nitong Miyerkules, Agosto 26, 2020 ng Kagawaran ng Komersyo ng Amerika ang pagpapataw ng sangsyon sa 24 na kompanyang Tsino.
Nang araw ring iyon, ipinasiya ng Kagawaran ng Estado ng Amerika na isagawa ang umano'y "visa ban" sa mga mamamayang Tsino na kalahok sa mga konstruksyon sa isla at reef sa karagatan ng SCS. Ito ang pinakahuling kilos ng panig Amerikano kaugnay ng pagmamalabis ng long arm jurisdiction at walang-galang na panghihimasok sa suliraning panloob ng Tsina na buong tikis na lumalabag sa pandaigdigang batas at norma ng relasyong pandaigdig.
Bilang tugon sa nasabing kilos ng hegemonya, tiyak na isasagawa ng Tsina ang kinakailangang anti-measures para buong tatag na ipagtanggol ang sariling soberanya, seguridad, at kapakanang pangkaunlaran.
May sapat na batayang historikal at pambatas ang Tsina sa soberanya ng teritoryo at karapatan at kapakanang pandagat sa SCS. Ang pagsasagawa ng Tsina ng kaukulang konstruksyon sa sariling teritoryo ay makatwiran at lehitimo na nagiging ganap na suliraning panloob nito. Lalong lalo na, ang aksyong ito ay nakakatulong sa pagkakaloob ng mas mabuting pampublikong serbisyo sa mga bansa sa rehiyong ito sa halip na nakatuon at nakakaapekto sa anumang bansa.
Sa katotohanan, maagang nalaman ng mga bansa sa rehiyong ito na ang Amerika na puspusang nagpupukaw ng "isyu ng SCS" ay siyang pinakamalaking maritime hegemony country sa buong daigdig.
Malinaw na ipinahayag ni Pangulong Rodrigo Duterte ng Pilipinas na hindi lalahok ang kanyang bansa sa anumang ensayong militar na i-oorganisa ng Amerika.
Ayon sa "Yomiuri Shimbum" ng Hapon, talagang ninanais ng mga bansa ng Association of Southeast Asian Nations (ASEAN) na iwasan ang paglala ng kanilang relasyon sa Tsina. Sa kalagayan ng pagkakasundo ng mga bansa sa rehiyong ito sa paghahanap ng kapayapaan at kooperasyon, walang anumang kuwenta ang mga nagawang kaligalihan ng politikong Amerikano sa nasabing karagatan.
Salin: Lito