Ipinatalastas kahapon ni Harald Range, Punong Taga-usig ng Alemanya na sinimulan na ng kanyang bansa ang imbestigasyon hinggil sa di-umano'y pagmomonitor ng National Security Agency (NSA) ng Amerika sa cellphone ni Chancellor Angela Merkel.
Pero wala siyang isiniwalat na detalye pagdating sa kung paano isasagawa ang imbestigasyon.
Noong Oktubre ng taong 2013, ayon sa mga dokumento na ibinunyag ni Edward Snowden, dating contractor ng NSA, nagmomonitor ang NSA sa cellphone ni Merkel, kasama ang sa 35 ibang lider na dayuhan. Nauwi ito sa matinding protesta mula kay Merkel.
Salin: Jade