SEOUL, Timog Korea—Nagdaos kahapon ng tatlong-oras na pag-uusap si dumadalaw na Pangulong Xi Jinping Tsina at ang kanyang counterpart na Timog Koreano na si Park Geun-hye.
Sa magkasanib na preskon pagkatapos ng kanilang pag-uusap, kapuwa ipinahayag nina Xi at Park ang pag-asang matatapos sa katapusan ng taong ito ang talastasan ng dalawang bansa hinggil sa kasunduan sa malayang kalakalan. Anila, makakalikha ito ng mas magandang kondisyon para maisakatuparan ang target na umabot sa 300 bilyong dolyares ang bilateral na kalakalan ng dalawang bansa.
Ipinatalastas din ng dalawang pangulo na magsisimula ang Tsina at Timog Korea ng talastasan hinggil sa demarkasyon ng teritoryong pandagat. Sa kasalukuyan, overlapping ang exclusive economic zone (EEZ) ng dalawang bansa sa takdang reef.
Sinimulan kahapon ni Pangulong Xi ang kanyang dalawang araw na pagdalaw sa Timog Korea. Noong 2013, dumalaw naman sa Tsina si Pangulong Park Geun-hye ng Timog Korea.
Salin: Jade