Ipininid kahapon sa punong himpilan ng UN, New York ang pangkalahatang debatehan ng Ika-69 Pangkalahtang Asemblea ng UN. Ang tema ng nasabing debatehan ay "Pagpapatupad at Pagsasagawa ng Agenda ng Pagbabago ng Pagpapaunlad Pagkaraan ng 2015."
Sa kanyang talumpati, sinabi ni Sam Kahamba Kutesa, Pangulo ng Ika-69 Pangkalahatang Asemblea, na nabanggit ng maraming kinatawan ang tema ng debatehan, at binigyan-diin nilang dapat gamitin ang natamong bunga ng Millennium Development Goals, itadhana ang serye ng ambisiyoso at inklusibong agenda ng pagbabago ng pagpapaunlad, na lilikha ng totohanang kapakanan at pabutihin ang pamumuhay ng mga mamamayan ng iba't ibang bansa.
Sinabi ni Kutesa na nananawagan ang maraming kinatawan na agarang isagawa ng buong daigdig ang nagkakaisang aksyon para labanan ang EBOLA. Bukod dito, nabanggit din ng mga kinatawan ang mga isyu gaya ng pagbabago ng klima, mataas na unemployment rate, pagkakapantay-pantay ng kasarian, karapatang pantao, at reporma ng UN.
Salin: Andrea