Nagtalakayan kahapon sa Brussels ang mga Ministrong Panlabas ng 28 miyembro ng Unyong Europeo (EU) hinggil sa isyu ng Ukraine. Hindi nila inilabas ang bagong hakbangin ng sangsyon laban sa Rusya.
Sa resolusyon pagkaraan ng nasabing pulong, hindi nabanggit ang sangsyon sa Rusya, ngunit, inulit nito na ang Minsk Agreement ay mahalagang hakbang para malutas ang krisis ng Ukraine. Nanawagan ang EU sa mga may kinalamang panig na tupdin ang kasunduang ito, igalang ang pagtigil ng putukan, iurong ang mga iligal na sandatahang lakas, at igarantiya ang kaligtasan sa hanggahan ng Rusya at Ukraine. Samantala, binigyan-diin ng kasunduan ang tungkulin ng Rusya sa pagpapatupad ng Minsk Agreement.
Tinukoy ni Federica Mogherini, Mataas na kinatawan ng European Union for Foreign Affairs and Security Policy, na kung ilalabas ng EU ang bagong hakbang para ipataw ang sangsyon sa Rusya, kailangan nitong isagawa ang diyalogo sa Rusya at kailangan din ng Ukraine ang reporma.
Salin: Andrea