Ipinahayag kahapon ni Najib Tun Razak, Punong Ministro ng Malaysia, na ang gawaing panaklolo ng Tsina sa paglaban ng kanyang bansa sa kalamidad ng baha ay tunay na palatandaan ng pagkakaibigan ng dalawang bansa. Samantala, pinasalamatan niya ang mapagkaibigang pagtulong ng Tsina.
Nauna rito, inabuloy ng Tsina sa Malaysia ang 450 tolda, 400 water pumps, 220 generators, at 60 water purification equipments.
Sinabi pa ni Najib na ihahatid pa ng Tsina sa kanyang bansa ang ikalawa at ikatlong yugto ng gawaing panaklolo.
Ipinahayag naman ni Huang Huikang, Embahador Tsino sa Malaysia, na nakahanda rin ng kanyang bansa na ibahagi sa Malaysia ang mga karanasan at teknolohiya hinggil sa paglaban sa likas na kapahamakan.
Sapul noong katapusan ng taong 2014, naganap sa Malaysia ang pinakamalubhang kalamidad ng baha sa kasaysayan. Ayon sa datos, ang naturang kalamidad ay nagresulta sa pagkamatay ng 23 katao, at kapinsalaan sa ari-arian na nagkakahalaga ng ilang bilyong.