Sa Beijing — Sa kanyang pakikipagtagpo kahapon kay Maha Chakri Sirindhorn, Prinsesa ng Thailand, sinabi ni Pangalawang Pangulong Li Yuanchao ng Tsina, na sapul nang itatag ang relasyong diplomatiko ng Tsina at Thailand, kapansin-pansin ang natamong bunga ng dalawang bansa sa iba't-ibang larangan. Nakapagbibigay aniya si Princess Maha Chakri Sirindhorn at royal family ng Thailand ng mahalagang ambag para sa usapin ng pagkakaibigang Sino-Thai. Lubos na pinahahalagahan ng panig Tsino ang pagpapaunlad ng relasyong Sino-Thai, at nakahanda ang panig Tsino na patuloy na palalimin ang pakikipagkooperasyon sa panig Thai sa mga larangang gaya ng kultura, edukasyon, at daambakal, dagdag pa ni Li.
Ipinahayag naman ni Maha Chakri Sirindhorn na patuloy siyang magsisikap para mapalakas ang pagkakaibigan, at pagpapalitang pangkultura ng dalawang bansa.
Salin: Li Feng