|
||||||||
|
||
KAPITAL, KAILANGAN NG SMALL AND MEDIUM ENTERPRISES. Ito ang sinabi nina Shigehiro Shonazaki, financial sector specialist (SME Finance) ng Office of the Regional Economic Integration (kaliwa) at Noritaka Akamatsu, Senior Advisor, Office of the Director General, Sustainable Development & Climate Change Department ng Asian Development Bank sa sang pagpupulong sa ADB General Headquarters sa Mandaluyong City kanina. (Melo M. Acuna)
ANG small at medium-sized enterprises (SMEs) ay nangangailangan ng dagdag na kapital upang higit na umunlad at makasabay sa pandaigdigang pamilihan. Ang mga ito ang susi sa mas matatag na kaunlaran sa Asia sa pagbawi ng pandaigdigang ekonomiya. Ito ang nilalaman ng isang bagong ulat ng Asian Development Bank.
Ayon kay Noritaka Akamatsu, senior advisor sa Sustainable Development and Climate Change Department, ang milyun-milyong SMEs sa Asia ang pinagmumulan ng mumunting bilang na nakakasabay sa pandaigdigang kompetisyon upang maging bahagi ng global supply chain. Kailangan nila ng kapital, dagdag pa ng dalubhasang si Akamatsu.
Napapaloob ang pagsusuri sa Asia SME Finance Monitor 2014 na nagsuri sa kalagayan ng SMEs sa may 20 bansang kabilang sa umuunlad na Asia na siyang 96% ng lahat ng nakarehistrong kumpanya na mayroong 62% ng pangrehiyong bilang ng mga manggagawa. Nagkataon nga lamang na 42% lamang ang nakakatulong sa economic output.
Sa pagkakaroon ng ASEAN Economic Community sa mga susunod na buwan at trade liberalization, kailangang mabago ang pansin nila mula sa kanilang sariling pamilihan at matuon sa pandaigdigang pamilihan.
Limitado ang access ng mga SME sa pautang ng bangko. Bumaba pa ang ipinahihiram sa small and medium enterprises dulot ng pandaigdigang financial crisis at noong nakalipas na 2014. Umabot lamang sa 18.7% ng buong pautang ng bangko ang nakarating sa small and medium enterprises.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |