MADALI NA KAMING LUMILIKAS. Sinabi ni Raymond Lagaste, isang magsasaka at construction worker na madali na silang sumusunod sa pamahalaan sa oras na magkaroon ng sama ng panahon. Malaking leksyon para sa kanya at sa kanyang pamilya ang pagsunod sa panawagan upang manatiling ligtas. (Melo M. Acuna)
HINDI malilimot ni Raymond Lagarte, 25 taong gulang ang naganap sa kanilang barangay sa Tacloban City noong nakalipas na Biyernes, ikawalo ng Nobyembre noong 2013. Isang magsasaka at paminsan-minsan ay construction worker si Raymond sa kanilang barangay.
Mag i-ikawalo ng umaga ng madama nila ang masamang panahon. Naninirahan siya sa tabing-dagat. Kasama niyang lumikas ang kanyang mga tiyahin at nagtungo sa baeangay center.
Tatlong linggo silang nanirahan sa evacuation center. Nakatanggap sila ng bigas mula sa pamahalaan noong ika-siyam ng Nobyembre at naghanda na ng kanilang pagkain.
Mapalad ang kanyang maybahay at mga anak sapagkat nailikas sila at nadala sa Maynila bago sumapit ang bagyo. Isang buwan din siyang tumanggap ng relief mula sa pamahalaan.
Ngayong natuto na sila sa karanasang dulot ni "Yolanda" noong 2013, madali na silang lumilikas sa oras na makatanggap na abiso mula sa pamahalaan hinggil sa sama ng panahong padating.
Nagpapasalamat siya sa GMA-TV Channel 7 sapagkat kinuha siyang construction worker sa higit sa isang taon mula ng humagupit ang napakalakas na bagyo.
Binubungkal niya ang palayan ng kanyang lola na napinsala rin ng bagyo.
Nagpapasalamat siya sapagkat pinasahod siya ng P 250.00 bawat araw ng himpilan ng telebisyon. Naka-angat na rin naman ng kaunti mula noong tumama ang bagyo. Kung siya'y tatanungin ng pamahalaan, gusto niyang mabigyan ng mas matibay na tahanan upang hindi na lumikas pa sa oras na magkaroon ng sama ng panahon.
Ngayon ay nagtatrabaho siya sa bilang construction worker sa ilalim ng National Housing Authority
