Nag-usap kahapon sa Naypyidaw sina Min Aung Hlaing, Komander ng Tropang Pandepensa ng Myanmar, at Aung San Suu Kyi, Puno ng National League for Democracy (NLD), tungkol sa pagtatatag ng bagong pamahalaan, paglilipat ng kapangyarihan ng parliamento, pagpapatupad ng kapayapaan sa bansa pagkalagda sa kasunduan ng tigil-putukan, at iba pang isyu.
Nagwagi ang NLD sa pambansang halalan noong ika-8 ng Nobyembre 2015 at natamo nito ang kapangyarihan ng pagtatatag ng sariling gabinete. Ayon sa konstitusyon ng Myanmar, 25% ng mga luklukan sa parliamento ng bansa at mga lalawigan ay in-nominate ng panig militar. In-nominate naman ng panig militar ang mga ministro sa departamentong pandepensa, suliraning panloob, at suliraning panghanggahan.
Salin: Andrea