Idinaos ngayong araw, Martes, ika-12 ng Abril 2016, sa Beijing, ang ika-2 koordinadong pulong ng Tsina at Amerika hinggil sa mga suliranin ng may-kapansanan.
Ang pulong na ito ay bahagi ng mekanismo ng diyalogo ng Tsina at Amerika hinggil sa mga suliranin ng may-kapansanan. Tinalakay sa pulong ng mga delegasyon ng dalawang bansa ang hinggil sa paggarantiya sa mga kapakanan ng may-kapansanan, at pagbibigay ng edukasyon sa may-kapansanan.
Sa pananatili sa Tsina, bumisita rin ang delegasyong Amerikano sa mga pasilidad na panserbisyo at mga paaralan para sa may-kapansanan sa Beijing at Chengdu, isang lunsod sa timog kanluran ng Tsina.
Salin: Liu Kai