Ipinahayag kamakailan ni Achim Steiner, Executive Director ng United Nations Environment Programme (UNEP), na nitong sampung taong nakalipas, natamo ng Tsina ang kapansin-pansing progreso sa pangangalaga sa kapaligiran at green economy.
Sinabi pa niyang kabilang sa pambansang panlimahang taong plano ng Tsina ang konstruksyon ng sibilisasyong ekolohikal at inilaan ng pamahalaang Tsino ang malaking pondo para sa pangangalaga sa kapaligiran. Ito aniya ay nag-iwan ng malalimang impresyon sa kanya.
Bukod dito, sinabi niyang moderno ang teknolohiya ng Tsina sa renewable energy sa buong daigdig.
Ayon sa datos na inilabas ng Ministri ng Pananalapi ng Tsina, ang kabuuang bolyum ng laang-gugulin ng bansa sa pangangalaga sa kapaligiran at pagtitipid ng enerhiya noong taong 2015 ay umabot sa 481.4 bilyong yuan RMB o halos 73.4 bilyong Dolyares; ito'y lumaki ng 26.2% kumpara sa taong 2014.