Kinondena kahapon, Hunyo 9, 2016, ng United Nations Security Council (UNSC) ang pamamaril sa Tel Aviv ng Israel noong Hunyo 8. Binigyang-diin nito na dapat iharap sa batas ang lahat ng mga taong may kinalaman sa insidenteng ito.
Sa pahayag ng UNSC, hinimok nito ang mga bansa sa daigdig na aktuwal na isakatuparan ng mga obligasyon na itinakda ng mga resolusyon ng UNSC at pandaigdigang batas para buong sikap na bigyang-dagok ang terorismo.
Noong gabi ng ika-8 ng Hunyo sa Tel Aviv, binaril ng mga Palestino ang mga Israeli na nagresulta ng pagkamatay sa 4 at pagkasugat ng marami.
Ang pamamaril ay naganap sa Sarona Center, isang pamilihan sa tapat ng Israeli military headquarters. Ayon sa Tel Aviv Police, nahuli na nila ang mga salarin na sina Mohamed at Khaled Makhamrah.