Hinggil sa CRIHinggil sa Serbisyo Filipino
   

Kapayapaan at katatagan ng SCS, maisasakatuparan kung ititigil ng mga bapor at eroplanong pandigma ng Amerika ang probokasyon

(GMT+08:00) 2016-07-08 16:24:10       CRI

Sa isang talakayan ng mga mamamahayag na Tsino't dayuhan hinggil sa "patakarang pandepensa ng Tsina," ipinahayag Huwebes, ika-7 ng Hulyo, 2016, ni Yang Yujun, Tagapagsalita ng Ministri ng Tanggulang Bansa ng Tsina, na ang panig Tsino ay hindi naglulunsad ng anumang masalimuot na kalagayan sa South China Sea. Aniya, nananatiling legal, makatwiran, lehitimo, propesyonal at responsable ang aksyon ng panig Tsino. Aniya pa, kung lilikha ng kaguluhan ang ilang bansa sa labas ng rehiyon ng South China Sea, sa ngalan ng kapayapaan, may sariling paraan ang panig Tsino para harapin ito.

Inulit ni Yang na palagian at hindi magbabago ang patakaran at paninindigan ng Tsina sa isyu ng South China Sea. Buong tatag aniyang pangangalagaan ng Tsina ang sariling teritoryo, soberanya, at lehitimong karapatan at kapakanang pandagat; buong tatag na pangangalagaan ang kapayapaan at katatagan ng rehiyon ng South China Sea; at patuloy na igigiit ang mapayapang paglutas sa mga may kinalamang alitan, sa pamamagitan ng pakikipagtalastasan at pakikipagsanggunian sa mga may direktang kinalamang panig, batay sa paggalang sa katotohanang historikal at pandaigdigang batas.

Mariin niyang binatikos ang walang tigil na kilos ng ilang bansa sa labas ng rehiyon na gaya ng Estados Unidos, sa ngalan ng pangangalga sa katiwasayang pandaigdig. Aniya, ang pakikialam ng mga bansa sa labas ng rehiyon sa nasabing isyu ay, sa katunayan, para sa sariling interes. Nagsasapanganib aniya ito sa kapayapaan at katatagan ng rehiyong ito.

Nang mabanggit ang paglalayag at pamamatrolya ng maraming bapor na pandigma ng Estados Unidos sa nasabing karagatan, sinabi ni Yang na ang araw ng pagtigil ng mga bapor at eroplanong pandigma ng Estados Unidos ng probokasyon ay araw ng pagsasakatuparan ng kapayapaan at katatagan ng South China Sea.

Tungkol naman sa pagsasanay militar kamakailan ng hukbong pandagat ng Tsina sa South China Sea, sinabi ni Yang na ang naturang pagsasanay ay regular na tauhang pagsasanay ng hukbong Tsino.

Salin: Vera

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>