Binigyang-diin kamakailan ni Pangkalahatang Kalihim Xi Jinping ng Partido Komunista ng Tsina(CPC), na sapul noong Ika-18 Pambansang Kongreso ng CPC, lubusang pinahahalagahan ng Komite Sentral ng CPC ang konstruksyon ng regulasyon at sistema ng partido, at natamo ang mabibisang resulta sa usaping ito. Ito aniya'y pangmatagalang tungkulin ng CPC sa pagpapahigpit ng pangangasiwa at pamamahala ng partido sa kasalukuyan at hinaharap. Aniya, kapuwa pahahalagahan ng CPC ang pagpapahigpit ng pangangasiwa sa estado batay sa batas, at pagsasakatuparan ng pangmatagalang pag-unlad ng CPC batay sa pinahigpit na regulasyon at sistema.Umaasa aniya siyang magkasamang magsisikap ang buong partido at igigiit ang diwa at prinsipyo ng reporma at inobasyon, para isakatuparan ang mas kumpletong sistemang panregulasyon, sa susunod na ika-100 anibersaryo ng pagkakatatag ng CPC, sa taong 2021. Ito aniya'y batayan at paggarantiya sa pagpapataas ng administratibong kakayahan ng CPC, at pagsasakatuparan ng dakilang kasiglahan ng nasyong Tsino.
Idinaos ang Work Meeting sa Pagpapahigpit ng Regulasyon at Sistema ng CPC, sa Beijing, Disyembre 24-25, 2016. Dumalo sa pulong at bumigkas ng talumpati si Liu Yunshan, Pirmihang Kagawad ng Pulitburo at Kalihim ng Sekretaryat ng Komite Sentral ng CPC.
