Ipinahayag araw ng Linggo, Mayo 7, 2017, ni Ministrong Panlabas Sergey Lavrov ng Rusya na kasalukuyang nagsisikap ang North Atlantic Treaty Organization (NATO) para mapanumbalik ang pakikipagpartner sa Rusya, at nakahanda aniya ang panig Ruso na panumbalikin ang partnership sa NATO.
Ito ang inilahad ni Lavrov sa preskon kasama ng kanyang counterpart na Aleman na si Frank-Walter Steinmeier. Nauna rito, nagbigay-galang ang dalawang ministro sa puntod ng mga sundalong Ruso at Aleman sa Volgograd, Rusya. Ang Volgograd na dating kilala bilang Stalingrad ay siyudad na pinangyarihan ng pinakamadugong labanan noong World War II.
Ipinahayag din ni Lavrov na natanggap na ng Rusya ang impormasyon mula sa NATO upang panumbalikin ang direct phone line sa pagitan ng NATO at Rusya. Ipinahayag naman ni Steinmeier ang kahalagahan ng pagpapanumbalik ng nasabing phone line.
Salin/Edit: Jade
Pulido: Rhio