Kaugnay ng kalamidad ng baha at landslide na naganap sa Sri Lanka, ipinadala nitong Linggo, Mayo 28, 2017, ni Pangulong Xi Jinping ng Tsina ang mensahe kay Pangulong Maithripala Sirisena ng Sri Lanka bilang lubos na pakikidalamhati sa mga nasawi, at taos-pusong pakikiramay sa mga apektadong mamamayan at kamag-anakan ng mga biktima.
Sa mensahe, ipinahayag ni Pangulong Xi ang kahandaan ng panig Tsino na puspusang katigan ang pagsasagawa ng pamahalaan ng Sri Lanka ng gawaing panaklolo, at magkakaloob ito ng pagkatig at tulong sa bansang ito. Nananalig aniya siyang tiyak na mapagtatagumpayan ng pamahalaan at mga mamamayan ng Sri Lanka ang kalamidad at itayo muli ang kanilang lupang tinubuan.
Salin: Li Feng