Ipinahayag kamakailan ni Xu Ningning, Executive Secretary-General ng China-ASEAN Business Association na magtatamo ng bagong progreso ang kooperasyong pangkabuhayan ng Tsina at Association of Southeast Asian Nations (ASEAN) sa 2018.
Ayon kay Xu, kung babalik-tanawin ang taong 2017, ang pag-uugnayan ng konstruksyon ng "Belt and Road" Initiative at Economic Community ng ASEAN ay nagbibigay ng mahalagang tagapagpasulong na puwersa para sa pag-unlad ng kooperasyon ng Tsina at ASEAN. Patuloy at mabilis na lumalaki aniya ang kalakalan at pamumuhunan sa isa't isa ng dalawang panig. Sinabi pa niyang, sa kasalukuyan, dahil sa production capacity ng Tsina at ASEAN, kooperasyon ng konektibidad, upgrading ng ASEAN–China Free Trade Area (ACFTA), upgrading ng Lancang-Mekong Cooperation (LMC) at iba bang hakbangin, tinatayang may malawak na prospek ang kooperasyon ng Tsina at ASEAN.
Aniya pa, itinakda na ng mga lider ng Tsina at mga bansang ASEAN ang tema ng kooperasyon ng dalawang panig sa 2018, at ito ay inobasyon. Pinalalagay niyang ang inobasyon ay nagbibigay ng mas malaking buhay at sigla sa kooperasyong pangkabuhayan ng dalawang panig.
salin:Lele