Nilagdaan kahapon, Lunes, ika-26 ng Pebrero 2018, ng Groupe PSA ng Pransya at Naza Corporation Holdings ng Malaysia, ang kasunduan hinggil sa pagbuo ng isang joint venture at pagtatayo ng pabrika sa Kedah, Malaysia, bilang sentro ng paggawa ng kotse sa Association of Southeast Asian Nations (ASEAN).
Ayon sa kasunduan, gagawin sa pabrikang ito sa Malaysia at iba pang bansang ASEAN ang mga kotseng may tatlong tatak ng Groupe PSA na gaya ng Peugeot, Citroen at DS. Ang nakatakdang taunang output ay 50 libong kotse.
Ayon pa rin sa plano, isasaoperasyon sa katapusan ng taong ito ang naturang pabrika, at sisimulang ibenta ang mga produkto sa susunod na taon.
Salin: Liu Kai