Idinaos kahapon, Biyernes, ika-24 ng Agosto, 2018, sa Bangkok, ang ika-6 na pulong ng magkasanib na lupong pangkabuhayan at pangkalakalan ng Tsina at Thailand. Nangulo sa pulong sina Wang Yong, Kasangguni ng Estado ng Tsina at Somkid Jatusripitak, Pangalawang Punong Ministro ng Thailand.
Tinalakay ng dalawang panig ang hinggil sa pagsasagawa ng mas maraming proyektong pangkooperasyon sa ilalim ng Belt and Road at Eastern Economic Corridor. Sinang-ayunan din nilang palakasin ang kooperasyon sa kalakalan, pamumuhunan, imprastruktura, agrikultura, siyensiya't teknolohiya, kalawakan, turismo, pinansyo, at mga iba pang larangan.
Ipinahayag naman ng panig Thai ang pagtanggap sa pamumuhunan ng mas maraming bahay-kalakal na Tsino sa bansa, at pagkatig sa paglahok ng mas maraming bahay-kalakal na Thai sa unang China International Import Expo.
Salin: Liu Kai