Hinggil sa CRIHinggil sa Serbisyo Filipino
   

Makasaysayang soft-landing ng Chang'e-4 sa buwan, tiniyak ng tatlong masusing teknolohiya

(GMT+08:00) 2019-01-04 16:36:48       CRI

Alas-10:26 ng umaga, nitong Huwebes, Enero 3, Beijing/Manila Time, naisagawa ng Chang'e-4 lunar probe ng Tsina ang makasaysayang soft landing sa Von Karman Crater sa South Pole-Aitken Basin, nakatakdang lugar sa far side ng buwan. Makaraang mag-soft-land, sa tulong ng relay satellite na Queqiao (Tulay-Magpie), ipinadala ng probe ang kauna-unahang close-up na larawang kuha mula sa far side ng buwan.

Unang imaheng kuha ng Chang'e-4 probe sa far side ng buwan, Enero 3, 2019

Bunga nito, ang Chang'e-4 na binubuo ng isang lander at isang rover, ang naging kauna-unahang spacecraft na lumapag sa di-naaabot na bahagi ng buwan. Bukod dito, ang Tsina ang siya ring nagsisilbing kauna-unahang bansa sa daigdig na may spacecraft na lumapag kapuwa sa near side, bahagi ng buwang nakikita sa mundo at far side, bahagi ng buwang di nakikita sa mundo.

Saad ni Yu Guobin, Tagapagsalita ng Misyon ng Chang'e-4 Lunar Probe, ang matagumpay na paglapag ng nasabing lunar probe ay naigarantiya ng tatlong masusing factor. Dagdag ni Yu, una, nananatiling maayos ang operasyon ng relay satellite na Queqiao sapul nang ilunsad ito noong Mayo 21, 2018; ikalawa, ang variable thrust engine ng probe ay maaaring gumawa ng lakas-tulak mula 2,500 newton hanggang 7,500 newton, at nakatulong ito sa pagbaba ng bilis ng probe at tumiyak sa maalwang soft-landing ng Chang'e-4; at ikatlo, ang teknolohiya ng paglilipad-lipad o hovering ay nakatulong sa pag-iwas sa mga posibleng hadlang sa paglapag: ibig sabihin, sa mga 100 metro sa itaas ng far side ng buwan, naghover nang mga 30 segundo ang probe, kung kailan ang 3D laser scanning imaging system nito ay nagkaloob ng mga datos para makatiyak ng ligtas na paglapag ng lander at maayos na pagsuri ng rover ng Chang'e-4.

Kaugnay ng dahilan ng paglapag sa Von Karman Crater sa South Pole-Aitken Basin sa far side ng buwan, ganito ang ipinaliwanag ni Wu Weiren, Punong Tagapagdisenyo ng Lunar Probe Program ng Tsina. Ani Wu, ipinalalagay ng mga siyentista na mas matanda ang malayong bahagi ng buwan kaysa sa malapit na bahagi nito. Bukod dito, ang Aitken Basin na 2,500 kilometro ang diametro at 12 kilometro ang lalim ay ang pinakamalaki at pinakamalalim na lambak sa buwan na natuklasan ng sangkatauhan. Samantala, ang pagkabuo ng Von Karman Crater at ang may kaukulang pananaliksik ay may mahalagang katuturan sa pag-aral hinggil sa kasaysayan ng buwan at ng buong solar system.

Ayon sa China National Space Administration (CNSA), kabilang sa mga tungkuling siyentipiko ng Chang'e-4 ay low-frequency radio astronomical observation, pagdedetekta sa pagbuo ng mga mineral at estruktura sa mababaw na bahagi o shallow surface ng buwan, at pag-aaral sa kapaligiran ng malayong bahagi ng buwan sa pamamagitan ng pagsusuri sa neutron radiation at neutral atoms.

Salin: Jade
Pulido: Rhio
Photo courtesy: China National Space Administration (CNSA)

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>