Kaugnay ng teroristikong pag-atake sa Jolo, Sulu, nagpadala ng mensahe ngayong araw, Martes, ika-29 ng Enero 2019, si Pangulong Xi Jinping ng Tsina kay Pangulong Rodrigo Duterte bilang pakikiramay.
Sa ngalan ng pamahalaan, mga mamamayang Tsino, at kanyang sarili, ipinahayag ni Xi ang taos-pusong pakikidalamhati sa mga nasawi, at pakikiramay sa kanilang mga kamag-anakan at mga nasugatan.
Ipinagdiinan ni Xi ang pagtutol ng panig Tsino sa terorismo. Ipinahayag din niya ang kahandaan ng Tsina, na makipagtulungan sa Pilipinas upang puksain ang terorismo at pangalagaan ang kapayapaan at katatagan.
Salin: Liu Kai