Martes ng umaga, Enero 29, 2019, idinaos ng Komisyon sa Gawain ng Macao sa Guangdong-Hong Kong-Macao Greater Bay Area ang unang sesyong plenaryo na pinanguluhan ni Fernando CHUI Sai On, Punong Ehekutibo ng Espesyal na Rehiyong Administratibo ng Macao (MacaoSAR).
Tinukoy niya sa pulong na noong isang taon, naitatag ng pamahalaang sentral ang leading group sa konstruksyon ng Guangdong-Hong Kong-Macao Greater Bay Area at inihandog ang unang sesyong plenaryo. Aniya, ayon sa diwa ng nasabing pulong, isinagawa ng pamahalaan ng MacaoSAR ang isang serye ng gawain na nakapaglatag ng mainam na pundasyon para sa aktibong pakikilahok ng Macao sa konstruksyon ng naturang Greater Bay Area.
Salin: Li Feng