Sa pagtitipun-tipong ginanap ngayong araw, Martes, ika-30 ng Abril 2019, sa Beijing, bilang paggunita sa ika-100 anibersaryo ng May Fourth Movement, sinabi ni Pangulong Xi Jinping ng Tsina, na ang May Fourth Movement ay isang makabayang kilusan at rebolusyong ginawa ng mga mamamayang Tsino para sa paghulagpos ng bansa sa pagkalupig, pagtatanggol sa karangalan ng nasyon, at pagsama-sama ng lakas ng mga mamamayan.
Dagdag ni Xi, ang pagmamahal sa bayan ay nukleo ng May Fourth Spirit at diwa ng nasyong Tsino. Sa pamamagitan ng May Fourth Movement, napagtanto ng mga mamamayang Tsino, na maisasakatuparan lamang ang pag-unlad ng lipunan, pag-ahon ng sambayanan, at kaligayahan ng mga mamamayan, sa pamamagitan ng sariling pagpupunyagi, ani Xi.
Salin: Liu Kai