Inilabas ngayong araw, Huwebes, ika-6 ng Hunyo 2019, sa Beijing ng Ministri ng Komersyo ng Tsina ang ulat hinggil sa pag-aaral sa mga pakinabang ng Amerika sa pakikipagkooperasyong pangkabuhayan at pangkalakalan sa Tsina.
Anang ulat, ang kooperasyong Sino-Amerikano sa kabuhayan at kalakalan ay nagdudulot ng aktuwal na pakinabang sa dalawang bansa at kani-kanilang mga mamamayan, at malaking nakikinabang dito ang Amerika.
Ayon pa rin sa ulat, ang pagkakaroon ng Amerika ng kakulangan sa kalakalan sa Tsina ay resulta ng pagsasagawa ng Amerika ng mga restriksyon sa pagluluwas sa Tsina at mga elemento ng pamilihan, at apektado rin ito ng kakayahang kompetetibo ng mga industriya, estruktura ng kabuhayan, patakarang pangkalakalan, posisyon ng US Dollar bilang reserve currency, at iba pa. Hindi nawawalan ng pakinabang ang Amerika sa pakikipagkooperasyong pangkabuhayan at pangkalakalan sa Tsina, dagdag ng ulat.
Salin: Liu Kai