Idinaos Biyernes, ika-14 ng Hunyo 2019, sa Bishkek, Kyrgyzstan, ang Ika-19 na Pulong ng Konseho ng mga Puno ng Estado ng Shanghai Cooperation Organization (SCO).
Sa kanyang talumpati sa pulong, nanawagan si Pangulong Xi Jinping ng Tsina para magkakasamang itatag ang mas mahigpit na komunidad ng pinagbabahaginang kinabukasan ng SCO. Sinabi rin niyang, dapat igiit ang Diwa ng Shanghai at prinsipyo ng pagkakaisa at pagtutulungan, para ang SCO ay maging organisasyong nagkakaroon ng pagkakaisa at pagtitiwalaan, magkakasamang nagsasabalikat ng kasaganaan at kahirapan, nagsasakatuparan ng mutuwal na kapakinabangan at win-win situation, at nagpapahalaga sa pagiging inklusibo at pag-aaral sa isa't isa.
Sa panahon ng nabanggit na pulong, idinaos ang maliit na pulong ng mga lider ng mga kasaping bansa ng SCO, at malawak ding pulong na nilahukan ng mga lider ng mga kasaping bansa at bansang tagamasid ng SCO at mga kinatawan ng mga organisasyong panrehiyon at pandaigdig. Tinalakay ng mga kalahok ang hinggil sa kalagayan ng pagpapatupad ng mga bunga ng Qingdao Summit ng SCO, at narating ang mga komong palagay hinggil sa pag-unlad ng SCO sa ilalim ng kasalukuyang kalagayan ng pulitika at kabuhayan ng daigdig, at sa mga mahalagang isyung panrehiyon at pandaigdig.
Salin: Liu Kai