Nilagdaan ngayong araw, Martes, ika-8 ng Oktubre 2019, ng China Media Group (CMG) at pamahalaan ng lalawigang Zhejiang sa timog silangan ng bansa, ang kasunduan sa pagpapalalim ng estratehikong kooperasyon.
Dumalo sa seremonya ng paglalagda na idinaos sa Hangzhou, punong lunsod ng Zhejiang, sina Shen Haixiong, Presidente ng CMG; Yuan Jiajun, Gobernador ng Zhejiang; at iba pang mga opisyal ng dalawang panig.
Ayon sa kasunduan, ang palalaliming kooperasyon ng CMG at Zhejiang ay sumasaklaw sa pagtatayo ng CMG ng base ng paggawa ng mga short video sa Zhejiang, at pagkokober ng CMG ng mga malaking aktibidad sa lalawigang ito, na gaya ng 2022 Asian Games sa Hangzhou, taunang World Internet Conference sa Wuzhen ng Zhejiang, taunang China International Cartoon and Animation Festival sa Hangzhou, at iba pa.
Salin: Liu Kai