Nitong Linggo, Nobyembre 10, 2019, ipininid sa Shanghai ang Ikalawang China International Import Expo (CIIE). Ang mga natamong malaking bunga ng nasabing anim na araw na ekspo ay nakapagpasulong ng malaki sa globalisasyong pangkabuhayan, at nakakatulong ito sa pagbubukas, kooperasyon, at komong kaunlaran ng buong mundo.
Sa pamamagitan ng kalakalan ng paninda at serbisyo, napasulong ng CIIE ang globalisasyong pangkalakalan at paglaki ng kabuhayang pandaigdig. Sa kalagayan ng pagtaas ng proteksyonismo at unilateralismo, at malaking presyur sa pag-urong ng kabuhayang pandaigdig, ang malaking pagtaas ng halaga ng mga nalagdaang kontrata, mas mataas na lebel ng internasyonalisasyon, mas malakas na propesyonalismo, at mas maraming elemento ng high-tech, ay nagpapakitang ang CIIE ay nagsisilbing puwersang tagapagpasulong sa paglaki ng kabuhayang pandaigdig. Samantala, sa pamamagitan ng pagpapalitan ng kultura at ideya, pinagtipun-tipon ang mga komong palagay, bagay na nagpakita ng malakas na puwersa sa pagtutol sa proteksyonismo at pagkatig sa globalisasyong pangkabuhayan.
Salin: Li Feng