|
||||||||
|
||
Ipinahayag kamakailan ni David Stilwell, Asistanteng Kalihim ng Kagawaran ng Estado ng Amerika sa Suliraning Asya-Pasipiko, na nagkaloob ang kanyang bansa ng napakalaking tulong para sa pag-unlad ng Tsina nitong mga taong nakalipas. Aniya, ikinalulungkot ng Amerika ang pagsukli ng panig Tsino sa mabuting intensyon nito sa pamamagitan ng agresibo at masamang intensyon.
Bilang tugon, ipinahayag nitong Biyernes, Disyembre 13, 2019 ni Tagapagsalita Hua Chunying ng Ministring Panlabas ng Tsina, na hindi angkop sa katotohanan ang nasabing pananalita. Aniya, maraming beses na nagsasalita si Stilwell ng mabuting intensyon ng panig Amerikano, ngunit hindi nakakaramdam ang Tsina ng anumang mabuting intensyon mula sa mga ginawang pananalita at kilos ng panig Amerikano.
Ipinagdiinan ni Hua na sa mga maling pananalita at aksyong nakakapinsala sa soberanya, seguridad, at kapakanang pangkaunlaran ng bansa, magbibigay ng walang duda, ang Tsina ng matinding reaksyon. Ani Hua, ang natamong napakalaking tagumpay ng Tsina ay bunga ng kasipagan at katalinuhan ng mga mamamayang Tsino, sa halip ng limos ng iba. Nagiging mutuwal na kapakinabangan ang kooperasyong Sino-Amerikano, at nakikinabang dito ng malaki ang panig Amerikano, aniya pa.
Salin: Li Feng
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |