Sa kanyang talumpati sa selebrasyon ng ika-20 anibersaryo ng pagbalik ng Macao sa inangbayan at inagurasyon ng ika-5 pamahalaan ng Espesyal na Rehiyong Administratibo ng Macao (MacaoSAR) na idinaos Biyernes, Disyembre 20, 2019, tinukoy ni Xi Jinping, Pangkalahatang Kalihim ng Komite Sentral ng Partido Komunista ng Tsina (CPC), Pangulo ng bansa, at Tagapangulo ng Komisyong Militar ng Komite Sentral ng CPC, na ang mga natamong tagumpay ng Macao sapul nang makabalik ito sa inangbayan ay dahil sa palagian at tumpak nitong paghahawak sa tamang direksyon ng "Isang Bansa, Dalawang Sistema."
Sinabi niya na malalimang kinikilala ng malawak na masa ng mga kababayan ng Macao na ang "Isang Bansa" ay paunang kondisyon at pundasyon ng "Dalawang Sistema," buong tatag nilang pinuproteksyunan ang kaayusang konstitusynal na tinitiyak sa konstitusyon at saligang batas, at tumpak din nilang hinahawakan ang mga kaukulang problema sa pagitan ng pamahalaang sentral at pamahalaan ng MacaoSAR.
Salin: Li Feng