Isinabatas kamakailan ng panig Amerikano ang National Defense Authorization Act for Fiscal Year 2020 na kinabibilangan ng mga negatibong nilalaman na taliwas sa hangarin ng pag-unlad ng puwersang militar ng Tsina, at mga nilalamang may kinalaman sa Taiwan, Hong Kong, Xinjiang, at ban sa pagbili ng kaukulang produktong Tsino. Kaugnay nito, ipinahayag nitong Lunes, Disyembre 23, 2019 ni Tagapagsalita Geng Shuang ng Ministring Panlabas ng Tsina ang mariing kawalang-kasiyahan ng panig Tsino dito. Aniya, iniharap na ng bansa ang solemnang representasyon sa panig Amerikano.
Saad ni Geng, hinimok ng panig Tsino ang panig Amerikano na alisin ang kaisipan ng cold war at pagkiling, obdyektibo't makatarungang pakitunguhan ang pag-unlad ng Tsina at relasyong Sino-Amerikano, at huwag ilabas ang mga negatibong artikulong may kinalaman sa Tsina, para maiwasang masira ang relasyong Sino-Amerikano at kooperasyon ng dalawang bansa sa mga mahalagang larangan.
Salin: Vera