Ang mensaheng pambagong taon na ipinahayag kahapon, Martes, ika-31 ng Disyembre 2019, ni Pangulong Xi Jinping ng Tsina, ay nakakatawag ng malaking pansin ng mga personahe ng iba't ibang bansa ng daigdig.
Sinabi ni Evaristus Irandu, Propesor ng University of Nairobi ng Kenya, na ipinakikita ng mensaheng ito ang kompiyansa at lakas ng Tsina.
Ipinahayag naman ni Oleg Timofeyev, Associate Professor ng People's Friendship University ng Rusya, na kaakit-akit para sa maraming bansa ang multilateralismo na itinataguyod ng Tsina, at ito rin ay kinikilala ng parami nang paraming bansa ng daigdig.
Sinabi naman ni Heba Gamal Eldin, miyembro ng Konseho sa mga Suliraning Panlabas ng Ehipto, na ang Tsina ay maaasahang katuwang ng lahat ng mga bansang Arabe, at dapat patuloy na palakasin ng mga bansang Arabe at Tsina ang kooperasyon.
Salin: Liu Kai