Sa 2019, pumasok sa ika-6 na taon ang Belt and Road Initiative (BRI). Nitong 6 na taong nakalipas, sa pamamagitan ng 197 dokumentong pangkooperasyon, lumahok sa kooperasyon ng BRI ang Tsina, 137 iba pang bansa ng daigdig, at 30 organisasyong pandaigdig. Nagbibigay ito ng bagong sigla sa pag-unlad ng kabuhayang pandaigdig.
Ang kooperasyon ng BRI ay isa sa mga pangunahing paksa ng mga aktibdiad na diplomatiko ni Pangulong Xi Jinping ng Tsina sa 2019.
Noong Marso ng taong ito, sa biyahe ni Xi sa Italya, nilagdaan ng dalawang bansa ang memorandum hinggil sa magkasamang pagpapasulong ng kooperasyon ng BRI. Sa kanya namang biyahe sa Greece noong Nobyembre, bumisita si Xi sa mga lugar kung saan isinasagawa ang mga proyektong pangkooperasyon ng BRI.
Idinaos naman noong Abril sa Beijing ang Ika-2 Belt and Road Forum for International Cooperation, at lumahok dito ang mahigit 6 na libong personahe mula sa 150 bansa at 92 organisasyong pandaigdig. Sa porum, iniharap ni Xi ang de-kalidad na pag-unlad ng kooperasyon ng BRI. Iminungkahi niyang pasulungin ang mga proyektong pangkooperasyon ng BRI sa mga may priyoridad na aspekto. Ipinatalastas din ni Xi ang limang hakbangin ng Tsina ng pagpapalawak ng reporma at pagbubukas sa labas. Ang mga ito ay hindi lamang nagturo ng direksyon ng pag-unlad ng BRI sa hinaharap, kundi rin nagbigay ng sigla sa ibayo pang pagpapalalim ng kooperasyong pandaigdig.
Sa pamamagitan ng BRI, muling ipinakikita ng Tsina sa daigdig ang determinasyon sa pagbabahagi ng pagkakataong pangkaunlaran sa pamamagitan ng kooperasyon. Tulad ng sinabi ni Xi, mas marami ang kalahok sa BRI, mas mataas ang kalidad ng koopersayon, at mas maganda ang kinabukasan ng pag-unlad ng buong daigdig.
Salin: Liu Kai
