Nitong Martes, Enero 21, 2020, ginanap sa Davos, Switzerland, ang taunang pulong ng World Economic Forum (WEF). Naging pokus ng naturang pulong ang paksang "Saan dadako ang globalisasyon." Tulad ng diin ni Pangulong Xi Jinping ng Tsina sa kanyang talumpati noong nagdaang 3 taon, imposible at di-angkop sa galaw ng kasaysayan ang sinasadyang pagputol sa agos ng kapital, teknolohiya, produkto, industriya at tauhan ng kabuhayan ng iba't ibang bansa. Nagbigay ito ng patnubay sa tumpak na pag-uunawa at pakikitungo ng daigdig sa globalisasyon.
Ang di-balanseng distribusyon ng benepisyo ng globalisasyong pangkabuhayan ay direktang sanhi ng pagurang ng globalisasyong pangkabuhayan, at ang saligang dahilan nito ay kakulangan ng lakas-panulak ng paglago ng kabuhayang pandaigdig. Nakakaramdam ang mga maunlad na bansa at umuunlad na bansa ng presyur at epekto.
Noong nagdaang 3 taon, iniharap na ni Pangulong Xi ang solusyon: igiit ang innovation-driven development, at likhain ang modelo ng paglago na lipos ng kasiglahan; igiit ang koordinasyon at inter-koneksyon, at buuin ang bukas na modelo ng kooperasyon na may win-win results; umunlad kasabay ng galaw ng panahon, at itatag ang makatarungan at makatwirang modelo ng governance; at hanapin ang balanse, makatarungan at inklusibong modelo ng pag-unlad.
Ang tema ng taunang pulong ng WEF sa kasalukuyang taon ay "Pagbubuklod ng Puwersang Pandaigdig, Pagsasakatuparan ng Sustenableng Pag-unlad." Ang globalisasyong pangkabuhayan ay galaw ng kasaysayan. Kahit may balakid, ang tunguhin ng pag-unlad nito ay hinding hindi hahadlangan ng sinuman.
Salin: Vera
