Sinabi nitong Huwebes, Abril 16, 2020 sa Beijing ni Gao Feng, Tagapagsalita ng Ministri ng Komersyo ng Tsina, na ayon sa datos ng kanyang ministri, hanggang noong Abril 14, bumalik na sa trabaho't produksyon ang 72.8% ng mga kompanyang dayuhan sa Tsina, at lumampas na sa 70% ng normal na lebel ang kakayahan sa produksyon ng nasabing mga kompanya.
Ani Gao, ayon sa China Business Climate Survey Report na inilabas kamakailan ng AmCham China, kahit na kinakaharap ng mga kompanyang Amerikano sa Tsina ang ilang problemang gaya ng COVID-19 pandemic, sa pangmalayuang pananaw, ang Tsina ay mananatili pa ring mahalagang pamilihan ng karamihan ng mga bahay-kalakal na pinatatakbo ng puhunang Amerikano sa Tsina.
Palagay ni Gao, walang patid na naging optimistiko sa prospek ng Tsina ang mga dayuhang mangangalakal, at hindi nagbabago ang kani-kanilang kompiyansa at determinasyon sa paghahanap ng pangmalayuang pag-unlad sa Tsina.
Salin: Vera