|
||||||||
|
||
Sinabi nitong Miyerkules, Hulyo 29, 2020 ni Tagapagsalita Wang Wenbin ng Ministring Panlabas ng Tsina na nitong nakalipas na ilang panahon, ipinagkakalat ng Amerika at Australya na di-umano, ang "Tsina ay isang banta," at walang-tigil nilang sinisiraan ang Tsina sa pamamagitan ng paglalabas ng serye ng mga isyu.
Inihayag niya ang mariing kawalang-kasiyahan at buong tatag na pagtutol dito ng panig Tsino.
Magkahiwalay na iniharap ng Tsina ang solemnang representasyon sa naturang dalawang bansa, dagdag ni Wang.
Sa pagtatagpo kamakailan nina Marise Payne, Ministrong Panlabas ng Australya, at Mike Pompeo, Kalihim ng Estado ng Estados Unidos, ipinangako ng kapuwa panig ang pagpapalakas ng kooperasyong militar sa rehiyong Asya-Pasipiko.
Kaugnay nito, sinabi ni Wang na hinihimok ng Tsina ang naturang dalawang bansa na tumpak na pakitunguhan ang Tsina, itigil ang pagsasagawa ng mga pananalita at aksyong nakikialam sa mga suliraning panloob ng Tsina, at makakapinsala sa kapakanan ng panig Tsino, at likhain ang paborableng kondisyon para sa pag-unlad ng relasyong Sino-Amerikano at Sino-Australyano.
Hinihimok din ng Tsina ang Amerika at Australya na patingkarin ang konstruktibong papel para sa kapayapaan, katatagan at kaunlaran ng rehiyon, dagdag ni Wang.
Salin: Vera
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |